Name:
Location: Egypt

Totally lost in the Mediterranean


Saturday, November 26, 2005

مجموعة سبعات يمكن تكون ماتهمش حد


سولو أنا بعتبر أنه طلبك أني أجواب على الموضوع ده رغبة في معرفة تفكيري علشان كده بلاقي أنه لازم أرد ولو أني ممكن شوية (بس أكيد مش كل) سبعاتي تتغير كل فترة.

سبع أشياء أتمنى فعلها
1- أقيم في بيروت لفترة
2- أتعلم فرنسي (هل انا اللبنانية الوحيدة الي ما بتعرف فرنسي)
3- أن أهتم بشكلي أكتر
4- أن اقرأ كل ما أجلت قرائته (نص مكتبتي الضخمة يعني)
5- أن اتماسك أكثر في وجه مشاعري المستحيلة
6- أن أبداء (وأكمل) ترجمة الرواية المتفق عليها
7- أن أجلس لفترات أقل أمام النت

سبع أشياء أستطيع فعلها
1- أسمع فيروز طول اليوم
2- المبيت في الصحراء عدد غير محدود من الليالي
3- التمشية في شوارع أسكندرية عدد غير محدود من الساعات
4- لعب كرة القدم
5- أطبخ حلو قوي قوي
6- أغلاق نافذة العالم الخارجي والتوحد التام مع عالمي الداخلي حتى في الأماكن العامة
7- مشاهدة افلام متتابعة طول اليوم

سبع أشياء لا أستطيع فعلها
1- أن اتماسك في وجه مشاعري المستحيلة
2- أبطل أحب محمد منير مهما خرف
3- أعيش في مدينة لا يوجد فيها بحر او نهر
4- أتمام عمل ما قبل موعده المحدد بفترة
5- ألتزم بروتين
6- أتوقف عن قراءة الروايات البوليسية
7- أخفي عدم أحترامي أو محبتي لشخص ما

سبع أشياء أقولها بأستمرار
1- صح؟
2- يعني
3- يلعن أبو كده
4- عارف أزاي؟
5- ما ألي خلاق
6- حبيبي
7- خلاص !!
سبع مدونين أتمنى يحكولنا سبعاتهم هما كمان… ده صعب لأني لسا ما أعرفش ناس كتير هنا وفي ناس كنت من الي جايين في بالي ردوا فعلا. بس عموما خدوا عندكوا التالي
حموكشة ولون وولف (أعتبروا دي رجاء حار جدا انكوا ترجعوا) سقراط, زرياب, جيفارا, بيانيست, أبليس


18 Comments:

Blogger mindonna said...

انا كمان عايزة أقرا الكتب المتكومة عندي

بس انجح الأول

3:13 PM  
Blogger African Doctor said...

أعجبتني إجاباتك
و أعجبني أكثر ما يمكنك أن تفعليه

5:20 PM  
Blogger Tara said...

و أنا اريد ان اقلل من جلوسي قدام الكومبيوتر و ألتفت لشغلي و اقرا اكثر

:و هذه ايضا
أن اتماسك أكثر في وجه مشاعري المستحيلة

:و هذه دائما اقولها لنفسي
أن أهتم بشكلي أكتر

5:42 PM  
Blogger Solo said...

و حياتك المشكلة فعلا ان السبعات بتتغير
يلعن أبو كده
:)

6:12 PM  
Anonymous Anonymous said...

كنت أتوقع أن تتمني التوقف عن مشاهدة أفلام الرعب :-)ووصف الكريم كرامل بأنه "أورجازمك ،
و أن تتحدثي عن أشخاص عرفتيهم قبل دقائق بوصفهم أنتيم
:)
أما أنا فأتمنى ما تستطيعينه،
أي أن أغلق نافذة العالم الخارجي و التوحد التام مع عالمي الداخلي لعلني أستطيع أن أفعل الشئ الوحيد الذي أرغب في فعله بصدق في هذا العالم المرعب
أنتيم مكشوف

8:41 PM  
Blogger IronMask said...

:)

12:37 AM  
Blogger نــــــــدي said...

ولا بتتغير ولا خاجه يا سولو

9:34 AM  
Blogger Socrates said...

"وأن تتحدثي عن أشخاص عرفتهم قبل دقائق بوصفهم أنتيم"

:)) لووووول

أهو ده إللي مش ممكن ألكسندراتعرف تعمله أبداً يا أنتيم مكشوف :))

يا كسوفي: سولو وألكسندرا طلبوا سبعاتي ولم ألبي حتى الآن

1:44 PM  
Blogger Zeryab said...

يا كسوووووفى انا كمان يا سقراط

3:18 AM  
Blogger Muhammad Aladdin said...

استمتعت بقراية سبعاتك يا سبعاوي
:)

ما بعرفش اكره منير انا كمان

9:22 PM  
Blogger Alexandra said...

معقول يا عيال دخلتوا مش بس تقروا لا كمان تعلقوا على الكلام ده؟!! عموما أسعدتوني. ويا بوب كفاية فضايح بقى وكفاية تشنيع يا راجل. بس بذمتك مش الكريم كراميل أورجازميك :))

11:50 PM  
Blogger Nightlegend said...

2- أتعلم فرنسي (هل انا اللبنانية الوحيدة الي ما بتعرف فرنسي)
تقريبا كدة!!

5- أن اتماسك أكثر في وجه مشاعري المستحيلة
ياترى ايه هيا طبيعة مشاعرك المستحيلة دى؟

6- أغلاق نافذة العالم الخارجي والتوحد التام مع عالمي الداخلي حتى في الأماكن العامة
أفضل مايمكن فعله أحيانا

3- أعيش في مدينة لا يوجد فيها بحر او نهر
من اضل الأجابات اللى سمعتها من زمان

10:11 AM  
Blogger أحمد said...

هو مين المعترض على كون الكريم كريمل ارجوزمك؟؟؟


انا بتعامل معاه على الاساس دا

6:21 PM  
Blogger Omar said...

بخصوص الصحرا، واضح انك دايسة كويس، يا ريت لو تكتبي عن خبرتك مع الصحرا، أفتكر اني من أكتر الناس اللي هيحبوا يقروا ده

2:56 PM  
Blogger وليد منتصر said...

سبع دقايق قضيتها فى قراية كلماتك اللى زى قطرات المطر

ماقدرش اعيش من غير ماسمع فيروز

ماقدرش اكره محمد منير

ماقدرش اعيش من غير ماشم هوا البحر

6:05 PM  
Blogger zizou from Djerba said...

Ma cherie !
Je partage a peu pres tes hobbies et tes envie.
Je suis pret a te donner des cours de francais si tu en a envie.
j'ecris en francais expres pour t'en donner plus l envie....

9:57 PM  
Blogger Faraway said...

This comment has been removed by a blog administrator.

11:56 PM  
Blogger Faraway said...

These are the most honest stuff I've read long time ago. You don't see clear honest words every day.

12:03 AM  

Post a Comment

<< Home