هو الكيلوت باين؟

الزمان: أول امبارح الضهر في عز الحر

المكان: محل صغير لبيع الحلوى صاحبته سويسرية وأسمه ألماني

الأبطال: انا (ألبس جوب طويلة من قماش خفيف عليها تيشيرت طويلة بدون أكمام وعليهم شال يغطي اذرعي بالكامل ونصف ظهري) والبائعة المحجبة

أدخل المحل فتبادرني البائعة : هو حضرتك لابسة كومبين؟

أنا بدهشة: لا! ليه؟

البائعة: اصل الجوب بتاعتك مبينة كل حاجة

انا بقلق: الكيلوت باين؟

البائعة: رجلك كلها باينة

انا بدهشة: بس الكيلوت ما بيتلبسش في الرجل

البائعة: انا بس بقولك علشان ما حدش يضايق في الشارع

أنا : معلش ما انت لابسة زي الخيمة من فوقك لتحتك وبيضايقوكي برضه. الي بيضايقنا احنا الأتنين حيوان

البائعة: انا قلت انت مش واخدة بالك

أنا: لا واخدة بالي ما تقلقيش